شعر ” گئدمه ” از استاد ارسلان میرزایی به مناسبت شهادت حضرت علی (ع)
ساعاتلار دهولره دولانیر
قاپیلار یالواریر گئدمه
یول یاپیشمیش دامانینگدان
کیم سنی آپاریر گئدمه
ساری اولدوز گئدیر سولا
حلقهلر یاپیشمیش قولا
قوشلار قانات سریر یولا
یول قیچینگی یالیر گئدمه
کیم دیر خییالینگا گیرمیش
اورگینگ صبری تاپشیرمیش
صبیرگلمیش جان آنسیرمیش
نالالاریم نالیر گئدمه
قوتارار کیم غمدن بیزی
کیم آریدار قاندان گؤزو
یئر وگؤیلر شاهی قیزی
بوردا یالغیز قالیر گئدمه
یامان زامان قره خبر
قاباق آتار گؤز تلهسر
باشماقلارینگ ترسه گئدر
اگر بیردن اولیر گئدمه
قیلیج بئلینده حماییل
قاتیل یاتمیش، دئییر آییل
قاخیر، باخیر آییل_ ماییل
دوشمنی ده زاریر گئدمه
او محراب او مسجید او دئیر
علی قالماگینی ایستئیر
فزت و برب الکعبه دئیر
آللاهدا یالواریر گئدمه
سجاده قاندان حجله ده
یولا دوشموش قان دجله ده
شهادت سونکو سجده ده
باشینگدان گون چالیر گئدمه…
“ارسلان میرزایی”
