تیلکی حکایتی
بیر خوش گؤنده، بیاباندا —— بیر تیلکی باغورساق بولدی
مأیوسودی او مکاندا —— حالا گلدی، دماغ بولدی
بی جان دیزی، جانا گلدی —— گیلمک دوداغونا گلدی
ناشکرلیک ایشینی گوردی —— باغورساق الینده، دِدی
خدا که گؤریردی بیزی —— نچون وردی بله روزی
دِدی، نچون اوازاق دیل —— آروغدور، نچون چاق دیل
اوزون اولسایدی خوبودی —— باقی قالسایدی، خوبودی
باغورساقی آلموشدی اله —— اؤز شانسوندان ادیردی گله
بوردایدی که قارقا کاکا —— ووردی قاپدی، چیخدی یالا
تیلکی قالدی هوس و پَکَر —— پشیمانلوگ آهودان ضرر
تیلکی رزقینی، قارقا یِدی —— حسرتلی باخدی و دِدی
باغورساقوم اوزونودی —— هم چاق و هم موزونودی
اما حیف که اَلدن گددی —— اَل ایاقوم حالدان گددی
مجید شعری روایت دور —— ناشکرلیگ دان حکایت دور
شاعر: مجید رستمی، تیره آهنگر، طایفه شش بلوکی